Make I share my story with loan apps with everybody. It started in January 2024 when I dey urgently need money to pay my shop rent. I beg many people for help, but nobody gree help me.

Make I share my story with loan apps with everybody. It started in January 2024 when I dey urgently need money to pay my shop rent. I beg many people for help, but nobody gree help me. One friend advise me make I borrow online, she introduce me to Easemoni, where I borrow 68k to repay 90k for two months. I need more money, so I just waka go Play Store download more apps, most of dem na 7 days duration. Na so my wahala start.

I go borrow from one to pay the other, and within a month, I dey owe about 15 loan apps. The number just dey increase till I realize say I owe about 28 of dem. I dey gradually lose my sanity, no peace, dem dey call and message me nonstop. I dey fear say dem go spoil my name because of wetin my contacts go think. My blood pressure dey go up and down, I dey cry every day until I get liver tell my favorite uncle wey dey abroad.

Na him rescue me, he make sure say I repay all of dem. The money we repay na about 1.8 million naira if I no dey mistake. E pain me well well, but for my peace, we do am and I stay away from all loan apps until April when one agent start dey message me say I dey owe BGloan 50k. I no pay attention until she send my picture dey talk say I be ritualist, she even send am to some of my contacts.

I vex well well, I just decide to borrow from all the apps I don repay to take revenge. Since then, I don remove my SIM, open new WhatsApp, dey enjoy my life. To hell with my contacts, dem no fit do anything when I need dem pass. I just tell my family members say anybody wey call dem na scammer.

It's been three months now, and I'm enjoying my iPhone 12 wey I buy with the money. Nobody fit fear pass me again, but since I join this group, I no fear anything.

---

---

Join our Facebook Group

---